我是魚旦~

各位好呀~~ 我係燒賣仔呀!!! 係魚旦o既細佬~~~ 意外地響年廿九晚進駐爸爸媽媽屋企~~~ 

呢幾日天氣好熱耶~~~ 但係爸爸媽媽媽都未幫我剪毛，好明顯佢地好驚自己剪會剪到我核核突突唔見得人~ 又岩岩打完針唔敢帶我出街前.. 搞到我成日都熱到忟忟憎憎.. 仲成日伸條脷出黎抖涼~~

我唔要出街街!!! 

尋晚爸爸帶埋我去車媽媽返屋企~ 我一上到車就極度不安..

係咁慘叫, 想叫爸爸帶我返屋企, 但係佢都無理我..

於是我響佢駕駛期間不斷咁"ong"埋去佢大脾度, 要爸爸抱抱...

搞到爸爸要顧住我... 有幾次入錯線, 遲左成幾個字先去到接媽媽...

多謝嘈ee送左件衫仔俾我~ 係假2件頭黎架~ 係咪即刻斯文晒呢~~~ 

P.S. 唔知點解爸爸見到我著住件衫.. 猛話我似隻馬騮...........  邊忽似呀!!!!!!!!!!

魚旦仔你又黎搞破壞!!! 你睇下CHRIS隻拖鞋俾你咬成點!!!!

不經不覺，魚旦仔已經來了整整一個月了~~!

剛才看他剛來的照片，發覺他真的長大了!! >"< 重量也由剛來時的2KG.. 暴升到現在的4KG.. 只是短短一個月就double了重量.. 現在他在背面看起來，活脫就是一只胖胖的黑草羊

尋日屋企又有幾個"靚姐姐"黎探喎~~ 媽媽話屋企好耐都未試過個個禮拜都有人黎囉喎~ 鬼叫我魅力沒法擋咩~~ 

尋日好多爸爸媽媽朋友上黎玩呀~ 個個都話黎探我喎 於是媽媽一早就幫我換左件靚衫仔黎見人~ 我對呢個吸血鬼look好滿意唄，所以竟然無咬件衫仔~ 媽媽都話出奇喎 

我魚旦仔今日乖乖坐響度玩緊手指時，媽媽突然拎左隻黑色怪物出黎，o個隻野仲用佢個好大o既口對住我，跟住突然間佢隻眼就閃左一下~

魚旦仔Boxing Day開始病了~~! ! !  

又咳又流鼻水~ 於是立刻同佢去左荃灣間城市獸醫度睇~~ 因為上網睇過話荃灣至好應該係呢家~~ 去到係個女Vet睇的，我覺得佢... 好求其... 好似係咁而聽下就俾藥.. 又唔主動解釋，同埋都唔覺佢好愛鍚狗狗 (我一路都覺得vet應該係好愛心爆棚的! 見到狗仔會變聲o個D.. ) 而且佢D藥食左幾日，魚旦仔好似重嚴重咗天! 

於是尋日又落左去再睇~ 今次指明要睇個鬼佬肥醫生 (話說係診所老細)~ 佢就真係講得好詳細，同埋知道魚旦仲好細個所以recommend我地俾佢聞氣同埋轉隻勁D的葯，魚旦仔食左2日葯聞左2日氣好似真係好番D咁~ 仲重左天! 感謝上帝! 不過佢仲要去多起碼3日呀~ 因為要聞多3日氣~ 如果仲唔好.. 咁就..... 要再諗辦法囉! 不過我相信魚旦咁精靈活潑實唔會有樹o既!

今日我同honey giroro甜蜜訓訓下覺時.... 

突然有人拎部相機係咁"chup" "chup" "chup"......... 影到人地訓覺反白眼... 

大家好~ 我叫魚旦!! 家住荃灣~~ 請多多指教!! 

屋企加添新成員!!!  就係好可愛o既魚旦仔~ 係三個月大o既史納莎仔仔!

尋晚山長水遠去到.. 九龍坑度接佢番來~~ (仲因為"司機"唔識路.. 屯門入到元朗之後再出番荃灣.. 先至再入到去).. 去到都成十二點! 

去到見到魚旦就覺得佢超可愛! 好細粒呀!!! 好黑呀!!!! 但係佢個樣好驚個身仲係咁震~~ 響個籠度唔夠膽出來呀 (魚旦: 俾你都驚啦.. 4個人頭係咁"hon"埋人地度 )... 好不容易拉左佢出黎.. 佢就好有性格咁即刻柯左篤尿響張枱上便 (魚旦: 對! 係有性格.. 絕對唔係嚇到賴

!!)