close
屋企加添新成員!!! 就係好可愛o既魚旦仔~ 係三個月大o既史納莎仔仔!
尋晚山長水遠去到.. 九龍坑度接佢番來~~ (仲因為"司機"唔識路.. 屯門入到元朗之後再出番荃灣.. 先至再入到去).. 去到都成十二點!
去到見到魚旦就覺得佢超可愛! 好細粒呀!!! 好黑呀!!!! 但係佢個樣好驚個身仲係咁震~~ 響個籠度唔夠膽出來呀 (魚旦
: 俾你都驚啦.. 4個人頭係咁"hon"埋人地度 )... 好不容易拉左佢出黎.. 佢就好有性格咁即刻柯左篤尿響張枱上便 (魚旦
: 對! 係有性格.. 絕對唔係嚇到賴
!!)
魚旦應該都係幾八卦的狗... 響返屋企途中雖然仲係好驚~ 但係都成日gut個頭出個狗袋度視察環境.. 不過佢一返到屋企入左籠就縮埋左一角唔敢郁... (魚旦
: 你地2個龐然巨物圍住我.. 唔驚至奇!!)
結果魚旦仔3點先入睡...................
但係今朝六點佢就起左身.. 仲發出悲嗚~~ 嚇到我地2個即刻彈起!! 原來係.. 柯左篤屎~!
今朝魚旦好似已經矛咁驚.. 仲嗲要出籠行添! 唔知係咪地下太滑.. 佢成日都企唔穩又冼腳~ 好鬼搞笑~
不過佢玩左一陣又昏昏欲睡咁樣啦~~... 家下又訓著左.. 我成日都要去CHECK下佢係咪仲呼吸緊 @ @
(魚旦: 咪咒我...........
)
文章標籤
全站熱搜
留言列表
出走到。台灣 (4)
