我是魚旦~

有間咁大的房同設備齊全的廚房，所以我地決定黎餐Home Dinner~!

放低晒所有野之後，就向Big C方向進發，由apartment出發到Big C都只不過係廿分鐘左右。時間尚早，就係Big C出便行下先~~ 

 

好多攤檔呀，全部係野食呀~~~ 

 

我地就買左幾條腸食 

 

呢位阿姐十分之cool，全程木口木面，但係D腸又真係好好味!

連粉麵都有! 我地就買左盒我最愛吃的炒粉絲~ 

 

離開Big C再向前行，轉個彎條橫巷又好多攤檔賣小吃，見到D燒雞脾咁好味咁香，忍唔住都要買隻黎食 

 

食雞脾一定要加佢俾的超辣醬，食到噴火先夠刺激~ >"<

再繼續向前行就見到條河~ 仲有船搭添 

 

兩邊亦有為數不少的海鮮檔，個樣好呃遊客feel~!

行到攰攰地，求其搵間舖坐低食碗粉先~!

雖然宜家曼谷咩都有得食，好多人黎到都會食法國菜日本菜，但係我就覺得黎到曼谷一定要食的就係魚。旦。粉!!

雖然佢唔識英文我唔識泰文，不過手指指都實叫到野食~

我的魚旦金邊粉 

 

哈生的鴨肉鴨紅米 

 

粉好味、魚旦好彈湯底無得頂，再加D辣汁好味到好想再食多碗~!

都係唔好再逗留，番去Big C買晒野就返去煮飯仔!!!

本身諗住坐Tuk Tuk，但係短短路程竟然索價百五至二百，唯有行返去... 出來時覺得唔遠的路程，拎住一袋二袋行時，就發覺原來真係好遠.............

其實今晚都係諗住煮個冬蔭功、咖喱蟹同埋煎塊扒。 

 

不過Big C真係無乜好野賣，蟹唔多新鮮、扒亦都唔靚，煮出黎係連哈生呢個咁唔挑食的都要話"真係好唔好食..." 

 

而冬蔭功就... 唔記得買湯底.. 哈哈哈.. 淡到呢~~~

雖然係咁.. 都要set 靚張枱黎食!!! 

 

其實曼谷咁多好野食.. 點解仲要自己煮呢...

賴晒野~~~ >"<